الاسم: وليد عبدالنبى 
يبقى أنت أكيد .. أكيد فى مصر
-
لما تلاقى رئيس فى الحكم لمدة ربع قرن .. يبقى أنت أكيد .. أكيد فى مصر
-
لما تلاقى البلد بتتخصخص بثمن بخس .. يبقى أنت أكيد .. أكيد فى مصر
-
لما تلاقى خراب و فساد فى البلد مالهوش حصر .. يبقى أنت أكيد .. أكيد فى مصر
-
لما تلاقى نائب الشعب بيهرب بفلوس البنك .. يبقى أنت أكيد .. أكيد فى مصر
-
لما تلاقى أحزاب ورقية مالهاش أصل .. يبقى أنت أكيد .. أكيد فى مصر
-
لما تلاقى عبارة بتغرق بألف شخص .. يبقى أنت أكيد .. أكيد فى مصر
-
لما تلاقى جريدة قومية بتسبح بحمد القصر .. يبقى أنت أكيد .. أكيد فى مصر
-
لما تلاقى مظاهرة لكفاية بيفضوها بالقوة والقسر .. يبقى أنت أكيد .. أكيد فى مصر
-
لما تلاقى أمن الدولة فوق راسك الفجر وتحس بظلم وعجز وقهر .. يبقى أنت أكيد .. أكيد فى مصر
-
لما تلاقى التعذيب إنتشر فى كل قسم وتحس بنفسك جواها كسر .. يبقى أنت أكيد .. أكيد فى مصر
-
لما تلاقى صاحب الرأى وراء الشمس وعلي قفاه ختم النسر .. يبقى أنت أكيد .. أكيد فى مصر
-
لما تلاقي الأمن أكتر من الناس والإكراه في حياتنا أساس.. يبقي أنت أكيد .. أكيد في مصر
-
لما تلاقى الظلم فى البلد هو الدستور والشعب عايش عبد المأمور .. يبقى أنت اكيد .. أكيد فى مصر
-
لما تلاقى الناس الغلابة بتجرى وراء الـ bus .. يبقى أنت أكيد .. أكيد فى مصر
-
لما تلاقى الشعب مات من الجوع ومسؤول واحد عنده خمسين قصر.. يبقى أنت أكيد أكيد فى مصر
-
لما تلاقى المحسوبية قانون والرشوة شطارة شغالة بجنون ..يبقى أنت أكيد .. أكيد فى مصر
-
لما تلاقى الحق باعوه والجبن بين الناس زرعوه والصدق في كل مكان قتلوه .. يبقى أنت أكيد .. أكيد فى مصر .
-
لما تلاقى إللى بيفصل في أمورك ظالم والحق مشوه مالوش أى معالم .. يبقى أنت أكيد أكيد فى مصر .
-
لما تلاقي الرشوة هي الدليل والواسطة ملهاش بديل .. يبقي أنت أكيد .. أكيد فى مصر
-
لما تلاقى فى السجن ضرب وتعذيب وتحرش وحاجات تخلى الوليد يشيب وتحس كأنك فى جوانتنامو أو أبوغريب .. يبقى انت أكيد .. أكيد فى مصر
-
لما يقولوا مساواة ونلاقي معاناة لما يعيشوه في عز وإحنا في أه لما يعدوا الكام مليار ومنعديش إحنا خط الفقر .. يبقي أنت أكيد .. أكيد في مصر
-
لما تلاقى الخوف حواليك شيطان يأكل فيك وغصب عنك تعمل إللى ما يرضيك .. يبقى أنت أكيد .. أكيد في مصر
ولو إتمسكنا يا ناس بمبادئنا وعملنا حساب للخالقنا و وقفنا قصاد إللى خانقنا هيبقي ده أكبر نصر وسعتها هنبقى أكيد .. أكيد في مصر
وليد عبد النبى – المحامى
مواطن مكلوم
كتبها وليد عبدالنبى في 01:22 صباحاً ::
5 تعليقات
في07,تشرين الأول,2007 - 07:02 صباحاً, يحى زكريا كتبها ...
الاستاذ الزميل والمحامى الكريم والمكلوم على وطنه وليد عبد النبى
السلام عليكم اخى الحبيب
اهنئك اولا بحلول عيد الفطر المبارك
وشكر الله لك سرعة التلبيه والتضامن
كلامكم الساخر يبكى ويضحك يوجع القلب ويكلمه ...حقا هذه الاوضاع والحاله السوء التى تردينا اليها نسال الله ان يرد الينا مصر ردا جميلا وان يردنا اليها
اشكرك من عميق قلبى لتشريفك واشهد الله ان تعليقكم من اجمل التعليقات الى اعجبتنى وهزتنى
اتمنى الا تكون زيارتك الاول وان يدوم بيننا الود والحب والتواصل والاخوه فى الله
فعلا يبقى انت اكيد فى مصر
في07,تشرين الأول,2007 - 07:03 صباحاً, يحى زكريا كتبها ...
لاول مرة بالاسكندرية : دعوة لكل مواطن ولكل مدون حر: لحضور .............
ملتقي الدفاع عن سجناء الراي وحقوق الانسان
بالإشتراك مع ....
تجمع المدونين الطامحين في وطن عربي بدون سجين رأي واحد و بحضور نخبة من الصحفين والسياسين والمدونين
فرصه حقيقيه ليجتمع المدونين مع بعضهم البعض
ويعلنوا تضامنهم مع حرية الصحافه والكلمه في مصر
موعدنا : الجمعة 19 / 10
الساعه 5 بنادي المحامين بجليم كورنيش البحر الاسكندرية
في07,تشرين الأول,2007 - 12:16 مساءً, جـريــــ الزمن الموبوء ــــــح كتبها ...
لا لا لا يا أخي لا لو كل هذا موجود فأنت لست بمصر بل أنت بوطن يقال عنه عربي من المحيط إلى الخليج
في07,تشرين الأول,2007 - 12:44 مساءً, ابوالمجد كتبها ...
استاذ وليد بما انك بتقول الكلام ده
يبقى انت اكيد اكيد هتاخدك امن الدوله قبل العصر
في07,تشرين الأول,2007 - 10:49 مساءً, مجهول كتبها ...
لما المواطن يتهان وتتسرق فلوسة كمان ويفضلوا عن حقوقه حقوق الحيوان
وهو ساكت جبان ...... يبقي اللي بيحصل ده فيه مش حرام .
ولما تحكمنا عصابة في الحكم غرقانه وبالقوة لمانه وشعارها زيد الشعب مهانه
واحنا في منتهى الاستكانة00000 يبقى هما ما عليهم ملامة .
والعيب علينا مش عليهم ....ولو بطلوا اللى بيعملوه فينا 0000 يبقوا هما ناس مجانين.
مع تحيات شاعر الحرية